MODUS | Pangalan sang pila ka opisyal sang syudad sang Roxas, gingamit sang wala pa makilala nga persona sa pagpangilkil sa pila ka establisemento komersyal

195

Roxas City, Capiz- Gin-alerto sang pila ka city officials ang publiko angut sa modus nga gina-gamit ang ila pangalan ukon opisina agud nga makapangilkil sa pila ka establisemento komersyal sa syudad sang Roxas.
Kalakip sa mga opisyal nga gingamit ang pangalan sa amo nga modus amo sanday City Councilor Powell del Rosario kag ang pinakaulihi si City Councilor Matty Viterbo. Nahibaluan nga nagapanawag ang mga suspek sa establishment sa pag-order sang cake ukon pizza kag nagapakilala nga staff sang mga ginhingadlan nga opsiyal.
Magluwas sa pag-order sang cake, nagpaload man ang suspek balor P1,000 kag gingamit man ang pangalan ni City Councilor Viterbo. Sa madumduman sang nakaligad man nga binulan sang tuig 2017, gingamit man ang pangalan ni City Mayor Alan Celino sa kasubong man nga modus.

Facebook Comments