Cuantos hora despues el visitada del nuevo hefe del PNP na Paiz, si PDG Oscar Albayalde aqui na ciudad, un mojer pulis ya queda victima de tiro na su mismo residencia na Star Aple Drive, Baliwasan del Webes denioche.
El victima amo si PO1 Rosalyn Bernardo Macapili, 33, dalaga, assigned na Sta. Maria Police Station.
Mientras su compañera si Lineth Intong Tuballa, irido tambien.
Asegun na report del pulis serca man alas 11 del noche cuando tiene quien ya guerria piedra na diila casa.
Porcausa con este, sale afuera canda Macapili y Tuballa para chequia pero ya hace canila encuentro maga bala desde na caliber 45 pistola.
El hechor del crimen ya escapa despues ya mira este ya tumba canda Macapili y si Tuballa.
Con el maga victima ya lleva entabla na hospital pero nohay swerte si Macapili ya declara conele muerto el maga doctor mientras ya tene que man confine con Tuballa.
El maga pulis ya recobri capsula y punta del calibre 45 pistola na lugar del crimen.
Maga pulis ta mira tiene que hace na trabajo el matansa con Macapili.
