Maga pulis ya confisca un calibre 45 pistola desde con un mojer na IBT na Divisoria del Webes por la tarde.
Na report del pulis, banda alas 2 del tarde cuando si Jenelyn Bacornay Canangga, 28-año de Suba Nipa, Olutanga, Zamboanga Sibugay ya entra na IBT para munta bus para na diila provincia y cuando ya hace pasa su bag na X-ray machine, ya puede nota el operator que tiene pistol adentro.
Aqui ya reporta el operator con el maga pulis quien ta man duty na lugar.
Durante el imbestigacion con Canangga, ya habla le con el maga pulis que el pusil ta dweña su cuñao nombrao como si Melvin Tamaan, un actibo miembro del Army Scout Ranger quien on schooling.
Con Canangga ya detene na estacion del Divisoria mientras ta prepara ya el caso que ay planta na corte contra conele.
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
