Nakadawat ug brand new van isip gift sa iyang adlaw’ng natawhan si Mommy D (Dionisia Pacquiao) gikan sa iyang anak nga si boxer-turned-senator Manny Pacquiao.
Kini agi’g pagsaulog sa iyang ika-69 nga birthday.
Giangkon ni Mommy D nga gipangayo kini niya ngadto kay Pacman apan wala siya nagdahum nga palitan siya niini.
Miabot ang van sa iyang panimalay sa VSM Heights Subdivision Phase 1 sa siyudad sa Gensan kaganihang buntag.
Isaulog sa Pacmom ang usa ka simple nga birthday party karong gabii sa Mt. Sabrina Resort sa General Santos City. Suoton niya ang usa ka red gown nga gidisenyo para kaniya ug ang iyang 42-year-old boyfriend nga si Michael Yamson ang iyang mamahimong escort.
Gialumang mu-attend sa iyang birthday celebration ang mag-igsuong Pacquiao ug ang iyang mga apo.
Apan dili maka-attend sa iyang party ang boxing champ tungod sa prior commitments niini sa Senado.
