‘Money ban’ iduso sa COMELEC lima ka adlaw bag-o ang BSKE 2023

Davao City – Sa tinguha nga aron mapugngan ang pagbaha sa vote-buying sa nasud, gibutyag sa Commission on Elections (COMELEC) ang pagduso sa ilang planong pagpatigayon og money ban o ang pagbawal sa pagbitbit ug pagbyahe sa kwartang duna’y kantidad nga 500,000 sa lima ka adlaw bag-o ang Barangay and Sanguniang Kabataan Elections (BSKE) 2023 karong Oktubre 30, 2023 pinasikad sa Section 27 of the draft of Kontra Bigay resolution.

Matud pa kang Comelec Chairperson George Erwin Garcia nga sa oras nga maaprubahan na ang maong palisiya, ang bisan kinsang makalapas niini mamahimong muatubang sa kasong ipasaka batok kaniya sa tinguha nga aron mapugngan ang pagbaha sa vote-buying.

Hinuon, gipasalig sa COMELEC nga gawasnon gikan sa maong balaod ang aduna’y mga trabaho nga nagkinahanglan mubyahe dala ang dako nga kantidad sa kwarta.

Gipanaad sab ni Garcia nga tanang police authorities itagtag sa tibuok Pilipinas aron magpahigayon sa 24-hour money ban checkpoints.

Panghinaut ni Norita Calio, 60 anyos, taga New Corella Davao del Norte nga unta maghatag kini og kalinaw, mapugnan niini nga balaod ang hugaw nga lihok sa politiko ug dili na makahatag samot og kasamok sa panahon sa bugnong lugaynon.

RadyoMaN Ivy Parido