MONEY CHANGERS SA CEBU | Makatabang ni Labi na sa Naay AFAM!

812

Para sa mga negosyante, salesman/saleswoman o sa mga tawng’ hilig mobyahe kun mga turista, ang bureau de change kon sa British English pa or currency exchange kon sa American English pa, usa ka negosyo kon diin ang mga taw’ makapailis og usa ka currency for another. Apan di ikalimod nga makatabang sad ni sa mga naay uyab nga AFAM. No explanation needed na. Chesmes ha!

Sa tanang suki sa usa ka money changer o sa mga tawng’ nagplanong molarga sa siyudad sa Sugbu (Cebu City), aniay 4 kabuok money changers nga adunay nindot nga mga feedbacks online:


SA MAY RUSTANS – AYALA

Una niini ang Rustans nga ang entrance nahimutang sa may C. Rosales Avenue, atbang sa HSBC bank. Kung wa gyud ka katol-tol, pwede kang mo-agi gikan sa Ayala Terraces padong sa exit duol sa Marriott hotel, unya moliko dayon ka sa tuo ug molakaw padong sa entrance sa Rustans. Gikan ani nga entrance, ang money changer naa ra sa likod sa supermarket.

SA MAY MARINA MALL – LLC

Ang ikaduha mao ang booth sulod sa Sav-Mor (SM Supermarket) grocery store sa Marina Mall. Hinuon dili ni siya 24-oras, pero abli na sila mga 8:00 o 9:00 sa buntag. Aduna puy sikat nga kapehan kilid sa Sav-Mor nga pwede nimong tambayan samtang nagpaabot ka nga moabli ang SM Supermarket ug pwede pud kang mamahaw sa mga western-oriented nga mga kan-anan duol ra pud sa Supermarket. Maskin og alas 9:00 na sa buntag ka mobyahe pabalik sa airport, maabot ra gihapon ka in less than ten minutes kana kung mag-taxi ka.

SA MAY AYALA, GAISANO UG DAGHAN PA




Ang ikatulo mao ang Core Pacific, gi-ila ni isip usa ka best currency changer sa Cebu. Adunay Core Pacific sa tanang mga dagkong malls sa Cebu. Aduna kini branch sa Ayala nga nahimotang sa service area sa 5th floor. Ug kon maglisod ka og pangita, pwede kang mosulod sa entrance duol sa may H&M. Sakay sa pinakaunang escalator sa imong tuo ug saka sa 5th floor kung asa nahimotang ang Gold’s Gym. Atbang sa gym, sa imong wala, adunay naglinya nga mga gagmayng tindahan nga namaligya og plane ug ship tickets, pawnshops, ug money changers, etc.

Aduna puy Core Pacific Money Exchange nga nahimutang sa Mactan Island, 1st floor sa Gaisano Island Mall New Building, MEPZ 2, sunod sa merkado atbang sa J Park, 4th floor sa Ayala Mall sa siyudad sa Sugbo.

SA MAY MANGO AVENUE

Ug ang ika-upat, naa sa may Mango Avenue. Kung naa raka sa siyudad, convenient kaayo ni para sa imoha. Nahimutang ni sulod sa Raintree Mall ug aduna kini gamayng’ office duol sa may Ice Castle (dessert place).

Sa tanang mga hilig magbyahe ug hilig magpa-ilis og kwarta, bantay-bantay sa mga money changers nga inyong masudlan ilabi na kung first time nimo sa usa ka lugar. Always do your research and remember to always keep your things with you.

Mao kadto ang atoang MONEY TALK NI ALI MATOK! alang sa karong adlawa, Hulyo 31, 2018. Credit sa owner sa photo sa Core Paficic Money Changer. (Sinulat ni Dj Ali Matok)

Facebook Comments