Yari ang pila lang sa mga pamaagi para makatipid ka sa pang-adlaw-adlaw nga gastos.
1. Magpa-in para sa emergency fund. Kinahanglan ini para may gamiton in kaso may emerhensya. Sa kada sweldo, magpa-in gid sang 10% para sa emergency fund.
2. Hibalu-a ang imo budget. Sa kada una nga adlaw sang bulan, magkuha gid sang resibo sang tanan mo nga ginapamakal. Halin man ina sa grocery, restaurant ukon sa personal care. Matapos ang bulan, imo mahibalu-an kun diin bala nagakadto ang imo nga kwarta.
3. Cash and envelopes. Kun nabudlayan ka mag-budget bangud permi ka lang naga-overspend, i-try ang ginatawag nga envelope budget system. Magbutang sang nagaka-igo nga kwarta para sa kada galastuhan sa envelope. Kun maubos na ang kwarta, buot silingon nga indi ka na pwede kapasobra sa imo galastuhon.
4. Mag-save gid sang kwarta. Antes mo pa man magasto ang imo sweldo, i-deposit na ang natalana mo nga savings sa account mo sa bangko.
5. Save automatically. Sa karon, pwede ka na maga set-up sang ginatawag nga automatic savings. Kada sweldo, pwede mo ayu-on ang imo employer nga magkuha na nadaan sang natalana nga balor sang kwarta nga i-transfer sa retirement ukon savings account. Pwede mo gid mapamangkot ang imo HR angut diri.
