Sa interbyu sa DXDC RMN Davao kang Police Major Marvin Hugos, Station Commander sa San Pedro Police Station, sunod-sunod nga pagpangawat nga kaso ang natala sa istasyon nga gikalambigitan sa minors.
Matud pa, dako’g factor niini ang monitoring kun giya sa ginikanan ug hibaluon ang ilang mga aktibidad diin ang 9 minors nga na-rescue posibleng wala na-monitor sa ginikanan.
“Maong hangyo nato sa atong ginikanan nga ang atong anak atong monitoron ug maymayan pirmi nga dili muhimo sa ing-ani nga binuhatan kay dili kini maayo,” saysay ni Hugos.
Sumala ni Hugos, ilang gina-rescue ang minors nga malambigit niini ug ginadala sa Quick Response Team for Children Concern (QRTCC) aron ipailawom sa free counseling.
Kahihumdoman nga dunay duha ka minors ang na rescue sa pagpangawat sa usa ka establisyemento samtang laing 7 ka menor de edad ang giingong nangawat sab human ilang giransak ang Chinese Restaurant sa F. Torres ning dakbayan.
Tungod niini, nag-deploy na og mga pulis ang San Pedro PNP ug naglusad na og police visibility sa ilang Area of Responsibility (AOR) aron mamonitor ug mabantayan ang mga establisyemento.
RadyoMaN Don Pulayao
