PALO, LEYTE – Gin-ordinahan na ni Manila Archbishop Luis Antonio Cardinal Tagle hi Rev. Monsignor Rex Ramirez kumo bag-o nga Bishop han Diocese of Naval ha Naval, Biliran.
Hi Bishop Ramirez in usa nga taga Balangiga Eastern Samar ngan anay Parish Priest han Palo Cathedral nga malingkod kumo bag-o nga Bishop yana nga Enero 12, 2018 ha Archdiocese of Naval.
Gin-atenderan an ginbuhat nga solemn rites ha Palo Metropolitan Cathedral ni Papal Nuncio to the Philippines Archbishop Gabriele Giordano Caccia, CBCP President ngan Davao Archbishop Romulo Valles, Palo Archbishop John Du, Cebu Archbishop Jose Palma, auxiliary Bishop Oscar Jaime Florencio, Naval Bishop Emeritus Filomeno Bactol, ngan sobra 20 nga archbishops and bishops ngan purluminos 300 nga padi tikang ha Leyte ngan Samar.
Nagpasalamat naman hi Archbishop John Du kan Pope Francis mahitungod nga hapit tulo na ka tuig matapos an iya pagbisita ha Archdiocese of Palo in duha na nga padi an na ordinar kumo bishops.
Syahan hi Bishop Oscar Jaime Florencio nga gin-appoint ni Pope Francis matapos an papal visit ngan sumunod na hi Bishop Ramirez.
Ginbuhat an ordinasyon ha Palo Cathedral imbis ha Naval mahitungod nga dirI pa naaagian an pira nga kalsada ha probinsya han Biliran durot han Bagyo Urduja.
