MORE POWER CORPORATION , WALA PA SANG PAT-OD NGA PETSA SA PAG-OPERATE BILANG POWER DISTRIBUTOR SA SIYUDAD BANGUD SA NAGAPADAYON NGA KASO SA KORTE BATUK SA PECO.

Wala pa sang pat-od nga tion kon san-o gid maga-umpisa sang ila operation ang MORE power Corporation bilang bag-o nga power distributor sa siyudad sang Iloilo matapos sa ila ginhatag sang Kongreso ang Franchise.
Ini ang ginpaghayag ni Mr. Roel Castro , Presidente sang More Power Corporation sa tunga sang nagapadayon nga legal battle sa tunga nila sang Panay Electric Company.
Suno kay Castro nga sa tion nga ma-clear na ang kaso sa korte, sigurado nga maga-operate na ang More Power Corporation agud indi maapektuhan ang mga konsumidor.
Apesar sini, masako na ang MORE sa pagpanghanda sa ila pag-take over sang operation sang PECO kon sa diin nagdihon sila sang apat ka aspeto agud mapaayo ang serbisyo sa mga consumers kag ini amo ang MORE Korek, MORE Konek, MORE Update kag MORE Kolek.
Sa idalum sang MORE Korek, pagakay-uhon sang MORE ang depektibo nga mga metrohan kag siguruhon nga husto ang pagbasa sang konsumo sang mga pumuluyo; samtang sa More Konek, target sini nga makakuha sang kaugalingon nga linya sang kuryente ang mga informal settlers kag mga illegal connections.
Sa idalum sang MORE update, ginpat-od sang kumpaniya nga i-update nila ang mga proseso nga mangin consumer friendly ang ila opisina kag iga-update nila ang consumers data kag ang MORE kolek napatuhoy naman sa pagpahapos sa mga konsumidor sa pagbayad sang bill pinaagi sa pag-tap sa mga bayad centers kon sa diin mangin convenient sa mga konsumidor ang pagbayad.

Facebook Comments