Davao City-Nasakmit sa dakbayan sa Davao ang ‘Most Child Friendly City’ sa highly urbanized category ug nakuha usab sa dakbayan ang Hall of Fame Award atol sa 2016 Presidential Award for Child-Friendly Municipalities and Cities (PACFMC) didto sa Rizal Hall sa Malacañang Palace karon lang hapon.
Mismong si Presidente Rodrigo Duterte uban sila DSWD OIC secretary *Emmanuel Leyco*, DILG Undersecretary Eduardo Año , DILG officer-in-charge *Catalino Uy ug uban pang mga dagkong opisyal ang niturn over sa maong award.*
*Si *Davao City Administrator Atty. Zuleika Lopez maoy nidawat sa pasidungog isip representante ni Mayor Sara Duterte Carpio uban usab si City Social Services and Development Office head Maria Luisa Bermudo ug daghan pang mga delegado gikan sa dakbayan.
Ang syudad nidawat og 500,000 pesos nga cash prize ug presidential trophy.
Kahinumduman nga ang Davao nidaog sa susamang award niadtong tuig in 1998, 1999, 2013, 2014 ug 2015.
Subay niini sumala ni Mayor Sara nga ang syudad committed ngadto sa nation-building ug kini nga mga nadawat nga awards maoy kontribusyon sa dakbayan ngadto sa nasud.
RadyoMan Aimee Guinita
