Extra Wow Balita – Sa United Kingdom, ginpaguwa karon ang pinakamahal nga high heels sa bug-os nga kalibutan nga nagabalor sang 15 million dollars ukon masobra 750 million pesos.
Gin-desenyo ni Debbie Wingham sang UK.
Samtang ginhimu naman sang Florida –based contemporary artist nga si Chris Campbell ang pinasahi nga high heels.
Puno sang diamond kag gold ang nasambit nga sapatos nga nalab-utan sang pila ka bulan antis matapos kag ginhimu ini para sa isa ka miyembro sang kilala nga pamilya gikan sa Dubai nga maga-celebrate sang kaadlawan.
Kilala si Wingham nga naghimo sang most expensive dress nga nagabalor sang 5.45 million dollars ukon masbra 772 million pesos kag cake nga nagabili sang 64 million dollars ukon 3.2 billion pesos para sa iya kliyente gikan sa UAE.
