CAUAYAN CITY – NAHULI NG MGA OPERATIBA NG CORDON POLICE STATION KATUWANG ANG IBA’T IBANG YUNIT NG PNP ANG ISANG LALAKI NA KABILANG SA REGIONAL MOST WANTED PERSONS SA BARANGAY SAGAT, CORDON, ISABELA.
KINILALA ANG SUSPEK SA PANGALANG “MARK”, 19 TAONG GULANG, RESIDENTE NG NATURANG BAYAN AT IKA-10 SA LISTAHAN NG MOST WANTED SA REHIYON.
BATAY SA PULISYA, INIULAT NG MGA MAGULANG NG BIKTIMA ANG INSIDENTE NG PAULIT-ULIT NA PANGGAGAHASA NG SUSPEK KASAMA ANG DALAWA PANG INDIBIDWAL NA NAGANAP NOONG OKTUBRE 2024 SA DIFFUN, QUIRINO.
INARESTO ANG SUSPEK SA BISA NG WARRANT OF ARREST NA INILABAS NOONG MAYO 27, 2025 NG RTC BRANCH 32 SA CABARROGUIS, QUIRINO KUNG SAAN WALANG INIREKOMENDANG PIYANSA ANG KORTE PARA SA KANYANG PANSAMANTALANG KALAYAAN.
SA NGAYON, SI “MARK” AY NASA KUSTODIYA NA NG MGA AWTORIDAD AT NAHAHARAP SA KASONG RAPE NA MAY KAUGNAYAN SA REPUBLIC ACT 7610 O SPECIAL PROTECTION OF CHILDREN AGAINST ABUSE, EXPLOITATION AND DISCRIMINATION ACT, NA LAYONG PROTEKTAHAN ANG MGA KABATAAN LABAN SA PANG-AABUSO.
