Davao City- Patay ang usa ka most wanted drug personality human kini misukol sa atong kapulisan sa San Pedro atol sa gilusad nga operation sa pagsilbi sa warrant of arrest batok sa suspek alas 10:36 kagabii, natigayun sa Brgy. 76-A Bucana ning dakbayan sa Davao.
Sa report gikan sa San Pedro PNP, nailhan ang drug personality nga naneutralize mao si Erlex Doronio alyas Leklek Hingkog, residente sa nasampit nga lugar ug dunay kasong kalapasan sa Akta Republika 9165 Human giisyo ni Judge Rowena Adlawan branch 13 RTC 11.
Sa dihang gilusad ang operation sa kapulisan matud pa nidagan kining suspek ug nihulbot sa iyang 38 caliber revolver dayun og pusil ngadto sa mga pulis hinungdan nga nibalos ang atong kapulisan resulta nakaangkon ug tulo ka samad pinusilan sa nagkadaiyang parte sa lawas ang suspek.
Daling gidala ang suspek sa Southern Philippines Medical Center apan gideklara nga dead on arrival pinaagi sa attending physician nga si Dr. Paulo nibres.
Narecover gikan sa crime scene ang usa ka .38 caliber revolver, duha ka basiyo sa bala, apil nakompiska ang tulo ka sachet nga gituohang shabu.
Ang patayng lawas anaa sa morgue sa Southern Philippine Medical Center ning dakbayan.
RadyoMan Don Pulayao
