Lanao del Norte – Gipatin-aw sa mga otoridad sa Lanao del Norte nga dili politika ang motibo sa napakyas nga pag-ambush sa kanhi Mayor ug Bise Mayor sa Dumingag, Zamboanga del Sur nga Mayor Nacianceno Pacalioga Jr.
Sumala ni C/Insp. Salman Saad, Lanao Del Norte Provincial Police Office, posibleng personal nga kasuko ang motibo sa pagsulay pagpatay sa kanhi mayor gumikan kay wala naman kini nagpapili sa umaabot election.
Hinoon, nangalap pa ang kapulisan sa mga impormasyon aron masayran ug masilutan ang mastermind sa krimen.
Gihuptan gihapon sa otoridad ang upat ka mga suspek samtang nagpa-alim pa sa ospital si former mayor Pacalioga.
Mahinumduman nga tuig 2017 nag-ayubang sa kasong falsification of documents ug serious dishonesty si Pacalioga.
Lakip sa implementasyon sa mga accessory penalties, ang cancellation of eligibility, forfeiture of retirement benefits ug perpetual disqualification for re-employment in the government service.
