Motibo sa pagpatay sa lending collector, padayong gi-establisar

Davao City – Mas gipalawman karon sa kapulisan ang ilang imbestigasyon sa pagpatay sa usa ka lalaki nga gisulod og selopin ug nakit-an sa kasagbutan sa Barangay Anislagan, Nabunturan, Davao de Oro.

Sa interview sa DXDC RMN Davao kang PSSg. Marlon Torrefranca, imbestigador sa Nabunturan Municipal Police Station (MPS), iyahang gibutyag nga naghimo na sila og backtracking aron masayran kung unsay nahitabo ayha namatay ang biktimang si Renel Britanico, 43 anyos, usa ka lending collector, taga Brgy. Cadunan, Mabini, Davao de Oro.

“Nag-backtracking pa mi sa background sa biktima kung unsa siya pero confirmed siya nga collector,” matud ni Torrefranca.

Nasayrang pila ka adlaw nga na-missing si Britanico ayha kini nakit-an nga wala nay kinabuhi nga adunay mga samad dinunggaban.

Hustisya ang singgit sa pamilya sama sa panawagan sa pag-umangkon niini nga si Janella Pans, diin panawagan niya basin kinsa ang napalitan og selopin nga blue nga maoy gigamit sa pagputos sa iyang uyoan.

RadyoMaN Kirby Manzon