Lapuyan, Zamboanga del Sur – Personal nga bangi ug away sa yuta kini ang
duha kamotibo nga gisundan karun sa kapulisan sa lungsod sa Lapuyan
human sa kamatayon sa 52 anyos nga mag-uuma nga gibanhigan sa wala
mailing mga responsible sayo sa buntag niadtong huwebes sa Purok 1,
Tiguha, Lapuyan, Zamboanga del Sur.
Nasayran nga RMN Pagadian nga nakahiagom sa daghanang samad pinusilan sa
lawas ang biktima nga nailang si Saniel Mentay residente sa maong lugar
diin gigamit sa tulo ka mga suspek sa pagpatay sa biktima ang M16 rifle
ug AK-47 rifle base sa pito ka basiyo sa bala nga nakuha sa dapit
nahitabuan.
Sa interview sa RMN Pagadian kang PO2 Elmer Teus ang imbestigador sa
maong kaso posible nga balos ang hinungdan sa pagpatay sa biktima dihang
gipasanginlan usab kini sa nahitabong pusil sa maong lugar niadtong
bulan sa Desyembre.
Wala usab gipadaplin sa kapulisan ang posibilidad nga mga sakop sa New
People’s Army ang nipatay sa biktima.
