![Copy-of-WEBSITE-18-×-10-in-2023-10-12T071610.090.jpg](https://i0.wp.com/rmn.ph/wp-content/uploads/2023/10/Copy-of-WEBSITE-18-×-10-in-2023-10-12T071610.090.jpg?resize=696%2C387&ssl=1)
Sa Facebook post sa residente nga si Nanette Valera, iyang gisulti nga maayong tawo ang mipanaw nga tanod nga si Nicolas Cosicol. Naila niya kini isip maayong public servant nga kabahin sa Barangay Peace Keeping Action Team (BPAT) ug wala siya nahibaloan nga nagbaton kini og kaaway.
“Mag-amping nalang ang tanan labi na sa nahitabo sa pagpusil sa atong tanod (nga) buotan. Walay problema, walay kaaway, gipusil nga walang kalaban-laban. RIP pads Nicolas Cosicol. Salamat kaayo sa imong pagserbisyo isip BPAT,” Facebook post ni Valera.
Sa interview sa DXDC RMN Davao kang Erwin Rosal, personahe sa Mati City Police Station (PS), iyang gisulti nga padayon pa nilang gipanubayan ang kaso aron masayran kung unsa ang motibo sa krimen.
Nasayran na nga ayha ang insidente, nag-duty sa community outpost sa Crossing Mapantad si Cosicol uban si Crisostomo Balog, sa dihang kalit na lamang silang gipamusil sa wala mailhing suspect. Igo sa ulo si Cosicol, samtang samaran usab si Balog.
“Ongoing pa ang investigation nato. Sige pa’g follow up ang atong intelligence (team) ug atong mga investigator,” sulti sa Mati PS personnel.
Sa interview usab sa DXDC RMN Davao sa anak sa biktima nga si Miraluna, iyang gibutyag nga posibleng politika ang motibo sa insidente ilabi na nga padulongay na ang eleksyon, ug nadamay lamang ang iyang amahan.
RadyoMaN Kirby Manzon