Davao City – Padayon pa gi-establisar sa Buhangin PNP Homicide Arson Section ang motibo sa pagluthang patay sa contruction worker nga nahitabo sa Carmelite Road Buhangin ning siyudad 7:00 kagabii.
Gibutyag sa hepe nga si Police Chief Inspector Jack Tilcag nga blanko pa sila sa hinungdan ngano gipatay si Jay Monsanto, 27 anyos, may kapuyo, ug residente sa maong lugar.
Gisulti ni Tilcag nga nakig-inom pa ang biktima sa iyang mga higala apan sa ilang balay giatangan sa wala mailhi nga mga suspek nga nakamotor sa kanto sa ilang lugar.
Kalit gipusil ang biktima sa makatulo ka higayon tumong sa parte sa lawas rason sa kamatayon sa biktima samtang ang suspek abtik nakasibat sa area.
Adunay nasagap nga impormasyon ang kapulisan nga dili matud pa maayo og record ang gipatay nga posible mao ra sab mipatay sa biktima.
Nagdumili sab sa paghatag og kumento ang mga kabanay sa biktima diin gidala ang patay’ng lawas sa biktima gihaya na sa ilang panimalay.
RadyoMaN Joel Viray
