Sa interbyu sa DXDC RMN Davao kang Police Master Sergeant Silvestre Cañete, imbestigador sa Nabunturan Municipal Police Station, iyang gisulti nga padayon pa ang ilang pakig-alayon sa pamilya aron masuta kung aduna bay nakabangi o nakadawat ba og hulga sa kinabuhi ayha gipusil-patay ang biktimang si Jocelyn Edulan, 58 anyos, minyo ug residente sa maong barangay.
“Ongoing pa among investigation. Nag-follow up ‘mi pero wala pay ikahatag (nga pamahayag) ang pamilya, mga friend, mga silingan (sa biktima),” matud ni Cañete.
Gibutyag sa pulis nga ayha pa man ang insidente, anaa lamang sa gawas ang biktima sa dihang nakadungog ang mga silingan og buto sa pusil, dayon nakit-an nga nagbuy-od na ang biktima ug wala nay kinabuhi. Narekober usab sa crime scene ang upat ka basiyo sa bala gikan sa wala pa masutang klase sa pistola.
Sa pagkakaron, gipaningkamutan pa sa awtoridad nga makakuha og closed-circuit television (CCTV) footage sa lugar nga makatabang aron maila ang responsable sa krimen.
RadyoMaN Kirby Manzon
