Davao City – Walay hunong ang pagpaningkamot sa kapulisan sa New Corella nga maila ang anaa likod sa pagpusil-patay sa usa ka maestra sa maong lungsod niadtong Hunyo 13, 2023.
Sa interbyu sa DXDC RMN Davao kang Police Major Nidzfar Mangkabong, Chief of Police sa New Corella Municipal Police Station, gisulti niini nga padayon ang ilang koordinasyon sa pamilya ug uban pang pamaagi nga maila ang responsible sa krimen ug masayran ang motibo sa insidente.
“Since the day that happened, continuous investigation parin tayo. Wala pa ‘tay possible person of interest ani. Gitan-aw nato ang possible nga unsa gyoy nahitabo. Nag-back track pa ‘ta,” sulti ni Mangkabong.
Kalabot niini, gikondena sa Department of Education (DepEd)-XI ang nahitabo sa magtutudlo ug gipanghinaut nga makab-ot ang hustisya pinaagi sa nagpadayong imbestigasyon.
RadyoMaN Kirby Manzon
Facebook Comments
