Pagadian City – Personal nga bangi ang motibo nga gisundan karon sa kapulisan sa syudad sa Pagadian labot sa ulahing insidente sa pagpamusil nga nahitabo sa Purok Manga, Barangay Sto. NiƱo ning syudad alas 8:15 sa buntag niadtong sabado.
Patay ang biktima nga nailang si Angelito Bonggo Archangel, 31 anyos, dunay live-in partner, tricycle driver ug residente sa nasangpit nga lugar.
Sa inisyal nga imbestigasyon nasayran nga samtang anaa sa gawas nga bahin sa iyang pinuy-anan ang biktima kalit nga nibutho ang usa ka lalaki og largong gipusil ang biktima.
Human sa pagpamusil daling nisibat ang suspetsado sakay sa motorsiklo paingon sa Purok Kapalaran, Balangasan, Pagadian City.
Naka-angkon og igo pinusilan sa iyang nawong ang biktima nga miresulta sa kamatayon niini.
Sumala sa mga nakasaksi ang suspek nagsul-ob og color gray nga jacket, nagkalo ug dunay face mask.
Nakuha sa dapit hitabuan ang upat ka basiyo sa bala sa 45 calibre pistola.
Naglusad na og follow up nga imbetigasyon ang kapulisan alang sa pag-ila ug pagdakop sa mamumuno.
