Motibo sa pagpusil sa presidente sa senior citizen, nasayran na

Pagadian City – Away sa yuta ug bikil sa pamilya ang motibo nga gisundan karon sa kapulisan ning syudad sa Pagadian sa ulahing insidente sa pagpamusil sa dakbayan nga gika-angol sa 65 anyos nga biktima.
Daling gidala sa ospital si Wasima Ampato Mohammad , retired accesors, residente sa Sabellano St., Purok Malipayon, San Francisco District, Pagadian City ug Presidente sa mga senior citizen sa Labangan ning probinsya.
Nasayran sa RMN DXPR Newsteam nga samtang gamaneho sa biktima sa iyang sakyanan nga Toyota Wigo nga nagtangag sa Plaka numero ABC 2814 diin paingon unta sa senior Citizen’s Office sa lungsod sa Labangan kalit nga mibutho ang duha ka wala mailang suspetsado og walay langan nga nipusil sa senior citizen.
Nakahi-agom og samad pinusilan sa wala nga bukton si Mohammad rason nga dali kining gidala sa pribado nga ospital alang sa dinalian nga medikasyon.
Walay nakita nga basiyo sa bala sa armas sa dapit nahitaboan ang mga otoridad rason nga blangko pa kini kun unsa nga klase sa armas ang gigamit sa mga mamumuno.
Naglusad na sa makuti nga pagsuta ang mga imbestigador sa Pagadian City police Station alang sa posible nga pag-ila ug pagsikop sa mga nakasibat nga suspek.

Facebook Comments