General Santos City – Gipalawman karon sa San Isidro Police Station 4 ang pag-imbestiga sa kasong pagpanigbas-patay sa wala mailhing mga suspek ngadto sa faith healer o manghihilot sa Purok Masagana, Jagnaan, Barangay San Isidro ning siyudad.
Sumala pa ni Police Lieutenant Ven Venus, Deputy Chief of Police, ang biktima unang giila sa pangalang Tirso Quiño, 42 anyos nga nagpuyo sa maong lugar.
Dugang saysay ni PLt. Venus, duha ka mga suspek nga lalaki ang misulod sa compound pasado alas-8 Huwebes sa gabie diretso sa panimalay sa biktima nga daw nagpaaron ingnon nga magpahilot.
Gikalit og gitigbas ang biktima igo sa kalawasan hinungdan naligo na sa iyang kaugalingon nga dugo og namatay diha-diha dayon.
Gidugang ni Venus nga nakit-an pa sa 8-anyos nga anak sa biktima ang panghitabo na pagtigbas sa iyang amahan dayon gisultian kini sa mga suspek nga “ayaw’g saba”.
Misibat ang mga suspek sakay sa motorsiklo palayo sa lugar.
Samtang, mikanayon ang maong opisyal nga wala na marekober ang murder weapon nga gigamit sa mga suspek didto sa crime scene.
Unang migawas nga personal grudge ang gilantaw nga motibo sa kapolisan sa pagpatay sa biktima.
For more info’s and updates, like and share our official facebook account : www.facebook.com/ifm91.9Gensanofficial/
#TatakRMN #IFMAngIdolKongFM #RMNnetworks #ReachingMillionsNationwide #RMNFoundation
[image: PLt Ven Venus.jpg]
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
