Sa report nga gipadala sa DXDC RMN Davao ni PLtCol. Jeffrey Latayada, Chief of Police sa Tagum City Police Station, iyang giila ang biktima nga si Abdul Yusof Sapilin, 42 anyos, minyo, ug residente sa San Miguel, Tagum City.
Sa impormasyon, alas 4:00 sa kaadlawon sa dihang nag-roving sa area ang security guard sa usa ka Banana Plantation sa dihang nadiskobrehan na lamang niini ang usa ka lalaki nga nagbuy-od daplin sa karsada nga wala nay kinabuhi.
Gikaalarma na usab sa netizen nga si Jane Colita ang mga nagapanghitabong krimen sa Davao del Norte ilabi na nga bag-ohay lamang sagunson na usab ang mga shooting incident sa probinsya.
“Kanus-a man moaksyon ang gobyerno sa Davao del Norte ani oi? Left and right ang patay,” kumento sa netizen.
Pipila ka netizens usab ang nagpadangat sa ilang pahasubo ug nanghinaut nga makab-ot sa sa pamilya ang hustisya sa nahitabo.
RadyoMaN Kirby Manzon
