Motion to quash ni Jaraula, gibasura sa anti Graft court

20

Gibasura sa Sandiganbayan  Second Division  ang “Consolidated motion to quash information” nga gipasaka ni  kanhi Mayor ug kanhi Cagayan  de Oro  first district Congressman Constantino Jaraula ug mga kauban.

 

Kini pinaagi sa  resolusyon nga gipakanaog sa Sandiganbayan niadtong November 5, 2018.

 

Maoy nagpirma sa maong resolusyon  sila  Associate Justice Lorifel Pahimna, Oscar Herrera Jr. ug Michael Frederick Musngi.

 

Niadtong August 24, 2018 si Jaraula pinaagi sa iyang abogado nag-file sa iyang “consolidated motion  to quash information” sa Sandiganbayan second Division kay iyang gipangayo sa Anti Graft Court nga i-quash ang  iyang kasong Anti Graft and Corruption nga gipasaka ni kanhi Ombudsman Conchita Carpio Morales batok kaniya niadtong 2014.

 

Giakusahan ni Jaraula si Ombudsman Morales nga gilapas ang iyang Constitutional Rights kay wala siya hatagig panahon sa Anti Graft Investigator sa iyang katungod alang  sa speedy disposition sa  iyang gi-atubang nga kaso.

 

Apan sa 13 ka pahina nga resolution sa Anti Graft Court, gipahayag ni  Justice  Pahimna Herrera Jr. ug Musngi nga wala makapakita si Jaraula sa mga ebedensiya nga nayatakan sa Ombudsman ang iyang katungod sa speedy disposition sa iyang kaso.

 

“The rule that evidence must be presented to established the  existence of the element of a crime to the point of moral certainly is only for purposes of conviction. it finds no application in the determination of whether or not an information is sufficient to warrant the  trial of an accused” matud sa Anti Graft Court.

 

Kini nga  kaso nagsugod sa dihang si Jaraula Congressman sa first district sa Cagayan  de Oro.

 

Matud sa Ombudsman nga niadtong December 23, 2003 ngadto sa July 4, 2004, si Jaraula naka-commit sa Malversation of public fund tungod sa iyang 3 million pesos transaction uban sa mga  officials sa Department of Agriculture ug mga personalidad  sa usa  ka Non-government organization sa issue sa Fertilizers scam.

 

Si Jaraula ug mga kauban, giakusahan ni Morales for  Violation of sec. 3(e), sec. 3(g), of Republic Act 3019, and Malversation of Public Fund, in violation sa Article 217 of the Revised Penal code.

 

Si Jaraula, giakusahan ni Morales nga niadtong panahon sa iyang pagka congressman sa 2003 ngadto sa 2004, nakigkunsabo siya sa mga officials sa Department of Agriculture sa pag-gasto sa  iyang 3 million pesos nga Pork Barrel kay ilang gipalit sa fertilizer alang sa mga farmers.

 

Matud sa Ombudsman nga gawas sa mga officials sa D-A si Jaraula, nakig-sabot pa gayud sa mga Private Individuals nga gitawag og  Philippine Social Development Foundation Inc. (PDSFI) nga usa ka  non-government organization sa paggasto sa  3 million pesos  sa pagpalit sa Fertilizers.

 

Ang PDSFI, matud sa Ombudsman nakig-linked  ni  businesswoman Janet Lim Napoles.

 

Gibutyag sa Ombudsman nga ang PDSFI, gihatagan ni Jaruala ug  mga officials sa D-A  sa  “unwarranted benefit  nga maoy mag-disburse sa mga  vouchers alang  sa  fertilizer project taliwala nga walay  tinood nga farmer beneficiaries.

Facebook Comments