Davao City – Wala gihapon gitugotan ang backriding kun pag angkas sa single motorsiklo bisan miyembro sa pamilya o kauban sa balay dinhi sa Davao region.
Kini ang pagpaklaro ni Department of the Interior and Local Government kun DILG XI Regional Director Alex Roldan atol sa interview kaniya sa programang Straight to the Point sa DXDC 621 RMN Davao.
“Ang back rider gihimo na siya tungod kay hangin sa driver mupaingon sa pasahero ug kadtong mga pasahero ang hangin paingon sa likod, mas paspas ag contamination ug pagkatag (sa virus) kung naay backrider. Nadesisyunan nga i-control una habang wala pa maklaro ang epekto nga dako ngadto sa atong pag control sa COVID-19,” segun ni Roldan.
Dugang niini nga ginatun-an pa ang back riding alang usab sa mga miyembro sa pamilya diin usa sa mga nagpaabot sa iyang concern ug pagpaklaro dinhi sa sibyahanan ang usa ka dabawenyo mao si Bryan Bayucot nga taga Old San Isidro, Buhangin ning syudad.
“Lisod kaayo parehas sa partner nako sa call center although naa silay service, usahay man gud madugay,” matud ni Bayucot.
RadyoMaN Renz Barbarona
