Nohay mas reparo el maga ladron de motor donde hasta el un Yamaha MIO scooter del un pulis mujer ya ruba mientras parquiao na Yubenco Star Mall na Putik del Lunes.
Alas 11:27 del aga cuando si PO3 Juliet Delos Reyes ya deha le su motorsiclo na parking lot amediante designao le na lugar.
Despues del serca un hora, ya sale ya lang le espantao cuando ya nota le nohay mas u motorsiclo donde le ya deha.
Ensiguidas ya reporta el incidente na estacion del Divisoria para el propio imbestigacion.
Nohay tambien puede verifica na CCTV camera na lugar porcausa nohay abre con el camera por cuantos dia ya.
El maga pulis ta continua pa imbestiga con el caso.
Facebook Comments
