Davao City – Patay ang driver sa usa ka Suzuki Raider 150 human misungag sa PUJ sa dalang Mac Arthur Highway Davao City alas 3:20 sa kaadlawon.
Sa blotter sa Talomo PNP, ang biktima mao si Kristian Alexander Tepozo, 24 anyos, residente sa Manggahan Times Beach Brgy 76-A Davao City samtang ang PUJ gimaneho ni Franklen Toledo, 27 anyos, nagpuyo sa Calinan ning syudad.
Sa imbestigasyon sa traffic section nasayran nga nagdagan sa managlahing direksyon ang duha ka mga sakyanan.
Ang PUJ gikan sa downtown area padulong sa Calinan samtang ang motorsiklo gikan sa Ulas padulong sa downtown area apan pag-abot sa Mac Arthur Highway mibangga ang motorsiklo sa kasugat nga PUJ.
Patayng lawas sa biktima anaa sa Collado Funeral Parlor samtang ang driver sa PUJ boluntaryong misurender sa presinto tres.
RadyoMaN Erin Lumosbog
