Davao City – Patay on the spot ang usa ka driver sa motor human nabangga sa laing sakyanan sa flyover Dacudao ning syudad alas 2:30 sa kadlawun.
Sa report sa Sta. Ana PNP, giila ang biktimang driver nga si Gilbert Lao Gonzales samtang angkas niini naila ng si Sheila Joy Polestico, puros taga Indangan ning dakbayan.
Sa pakighinabi sa DXDC RMN Davao sa imbestigador sa Sta. Ana nga si Police Officer 2 Ricky Aperong, nagbangga matud pa ang motor ug usa ka mistubishi owner type jeep nga gidrayban sa usa ka Anzelmo Ferazzeni, 30 anyos ug residenti sa Palm Diversion, Bajada ning syudad.
Sumala pa nga pareho og direksyon ang duha ka sakyanan ug pag abot sa nahisgutan nga lugar, nabangga matud pa ang lubot sa motor hinungdan nga sa kakusog sa impact, nalagpot ang driver ug namatay diha dayon.
Subay niini, nanawagan karon ang imbestigador ngadto sa mga nakaila sa biktima nga pahibaluon ang pamilya niini diin karon gidala na sa Anghel Funeral homes ang patayng lawas sa nahisgutan.
RadyoMaN Don Pulayao
