Davao City – Dead on the spot ang usa ka lalaking driver sa motor sa disgrasya nga nahitabo sa San Jose, Compostela, Davao de Oro alas 5 sa hapon, Mayo 17, 2023.
Sa interbyu sa DXDC RMN Davao kang Police Lieutenant Colonel Gomersindo Diwata, Chief of Police sa Compostela Municipal Police Station, giila niini ang biktima nga si Ramil Reyes, 47 anyos ug residente sa Poblacion, Nabunturan. Samtang ang driver sa wing van mao si Manny Canania, 38 anyos, residente sa Bunawan, Davao City.
“Ang motor mikawat siya sa linya, mi-cross siya sa lane sa kadtong Fuso (wing van). Then, wala na niya makagabig ang iyahang motor. Mao ‘tong nagkaroon na og head collision doon sa van,” saysay sa pulis.
Karong adlawa, Mayo 19, 2023 gitakdang mag-abot ang duha kampo aron mag-areglo, diin mipasalig ang driver sa van nga tabangan ang pamilya sa pagpahiluna sa biktimang namatay.
RadyoMaN Kirby Manzon
Facebook Comments
