Patay diha-diha ang sakay sa motor human na atrasan sa Hyundai dump truck nagtangag sa plaka numero ACT 7616, gimaneho ni James Louie Pasinabo Grejaldo, 26 anyos, molupyo sa Lower Taway, lungsod sa Ipil.
Samtang, ang sakay sa wave 100, adunay plaka numero JU 9992 nga si Jessica Soria Castañares dead on the spot. Angkas usab ang anak niini nga si Jellie Soria Castañares, dalaga 19 anyos, pulos residente sa Villa C. Sudiacal, lungsod sa Liloy.
Sa gihimong imbistigasyon, nasayran ang duha ka sakyanan naglawig kini sa dalan sa susamang direksyon gikan sa Liloy padulong sa Tampilisan. Pag abot niini sa dalang nasyunal, brgy. Causwagan, Liloy.
Ni hunong ang Hyundai dump truck tungod kay one way, apan anaa kini nihunong sa tangason nga dalan, hinungdan nga wala naka pugong ang break sa dump truck tungod sa kabug-at sa karga nga balas, mi atras kini ug didto aksidente nga naligsan ang motorsiklo nga anaa sa luyo hinungdan sa wala damhang kamatayon sa nagmaneho sa motor, dali usab nga naka layat ang anak niini palayo sa motor.
Human sa panghitabo dali usab nga mitahan sa iyang kaugalingon ang nagmaneho sa dump truck ngadto sa kapulisan.
