TALISAY CITY, NEGROS OCCIDENTAL – Patay ang isa ka soltero nga naga-angkas sa motor matapos nga ini sila ang nadisgrasya kagab-i sa Brgy. Matab-ang, Talisay City.
Ginkilala ang biktima nga si Reman dela Cruz, 21 anyos ang edad, residente sang Carmela Valley, ciudad sang Talisay kag naga-angkas sa isa ka motor nga gina-maneho sang iya nga barkada.
Suno sa Talisay City Police Station, ang insidente natabo may mga las 11:15 kagab-i sa Brgy. Matab-ang kon diin bangud nga madasig ang pagpadalagan sang motor, nadulaan ini sang control gani naglapaw sila sa gutter.
Gindala sa Corazon Locsin Montelibano Memorial Regional Hospital ang biktima apang ini ang gin-declare dead on arrival bagud man sang pilas nga iya naangkon sa iya ulo./DYHB NEWSROOM
Facebook Comments
