Patay ang drayber sang motor matapos nga nagbunggo sa depasahe nga jeep sa bangga Trinity, Burgos Extension pasado las onse kagab-i Hulyo 12.
Ang biktima nga daryber sang motor nga ginbawian sang kabuhi ang ginkilala kay John Romulo Agustin sang Sto. Niño 2, Barangay Granada syudad sang Bacolod.
Sa imbestigasyon sang Police Station 4, madasig ang pag padalagan sang biktima sang iya nga motor padulong kuntani sa iya nga naubrahan para mag duty bilang guardia, apang pag lab-ot sa amo nga lugar hinali nga nagdulog ang nasundan sini nga depasahero nga jeep para magkuha sang pasahero kag iya ini nga nabungguan ang buli sang jeep. Nagtabug pa sang kapin sa 5 metros sa pihak nga parti sang karsada si Agustin bangud sa mabaskog nga pagkabunggo.
Nag-angkon sang malubha nga pilas sa tuo nga paa kag ulo ang biktima rason nga ini ang gilayon nga ginbawian sang kabuhi.
Nakita sa cellphone sang biktima nga nag-away pa ini sila sang iya partner antes nagpadulong sa iya trabaho.
Samtang nagsungka naman sa kapulisan ang drayber sang jeep nga may rota Fortune town-Central Market nga si Jaime Gabawan Jr.
[image: image.png]
