Pagadian City – Gilayon nga girespondihan ang taho nga aduna matud pa’y usa ka abandonadong motorsiklo sa dalang Alano, Barangay San Francisco, ning syudad sa Pagadian .
Ang mga personahe sa Police Intelligence Branch-Zamboanga Sur Provincial Police Office pinanguluhan ni Senior Police Officer 2 Felson G. Capangpangan-Intelligence Operation PNCO ilalom sa mando ni Police Superintendent Modhin A. Pantaran, hepe sa Police Intelligence Branch ang misuta sa lugar sa may alas 8:00 ang takna kagabii.
Sa paghidangat na sa maong dapit, usa ka single motor XRM 110, kolor itom nga nagtangag sa plaka numero nga Juliet Sierra 4744, ang nasakpan sa mga otoridad nga diin gikataho kini nga gikawat kaniadtong Oktobre 15 ning kasamtanagan nga tuig.
Sumala pa sa taho, giparking lamang matud pa ang nasangpit nga single motor sa may Sepak Takraw Court, duol sa Toribio Minor Gymnasium, Margosatubig sa tag-iya nga naila nga si Michael Elarcosa Atad, 34 anyos, usa ka construction worker ug lumulupyo sa Purok Yellowbell 2 Brangay Poblacion sa susamang munisipalidad.
Sa kasamtangan, anaa na sa kustodiya sa Police Intillegence Branch Zambonga Sur Provincial Police Office ang maong XRM nga motor samtang nagpaabot sa tag-iya niini
