Dipolog City – Midangop sa kapolisan sa Dipolog City Police Office ang usa ka 32 anyos nga ulitawo kansang motorsiklo gikawat sa wala hiilhing kawatan.
Si Jason Jumuwad nga nagpuyo sa barangay Central, dakbayan sa Dipolog miasoy sa kapolisan nga iyang gi-parking sa gawas sa koral sa ilang panimalay sa may Echavez st. corner calibo st. ang motorsiklo nga Honda wave 100 ug kalit kining nawagtang.
Mitug-an ang biktima ngadto kang PO1 John Ervie Salaveria on duty investigator sa Dipolog PNP nga ang maong motor kolor itom nga nagdala sa plate number nga JJ o Juliet Juliet 8718.
Matud pa niya nga iyang giparking ang maong motorsiklo gawas sa koral sa ilang panimalay nianang pagagabii, sanglit girenobit pa ang ilang balay apan sa pagka-alas 6:00 sa buntag nahanaw na kini ug walay nasayud kun kinsay misakay og nikawat niini.
Gilayon nga giflash alarm ngadto sa kwerpo sa kapulisan dinhi sa dakbayan sa Dipolog ngadto kasigbit nga Police Station ang gihulagway motorsiklo sa pamasin nga kini marekober pa.
