Davao City -Dead on arrival sa Southern Philippines Center (SPMC) ang usa ka driver sa single motorcycle nailing si Joseph Madred Ronda, 58 anyos, residente sa Mango St., Brgy. Sto Niño, Tugbok District, Davao City human napunggitan sa Yellow Bus alas 6:15 sa buntag, Disyembre 1, 2022 sa Tahimik Drive, Matina Crossing, Davao City.
Sa interbyu sa DXDC RMN Davao kang Police Major Noel Villahermosa Station Commander
sa Talomo Police Station, subay sa ilang gihimong inbestigasyon pareho ang direksyon sa Kawasaki Bajaj ug Yellow Bus, gikan sa northbound apan pag-abot sa nasampit nga lugar nikawat og lane ang motor hinungdang napunggitan sa bus, sa kakusog sa impact miresulta sa pagkatumba sa maong motorsiklo.
Segun ni Villahermosa, gikustodiya na sa buhatan sa Talomo Police Station, ang driver sa bus nga si Rico Borcelo, 44 anyos, taga Purok Nasunorin, San Isidro, General Santos City.
“Morag ing-ana na side sweep tapad man god sila og di maklaro ang motor kay tungod sa kadak-on sa bus ang driver sa motor patay na,” saysay ni Villahermosa.
RadyoMaN Don Pulayao
Facebook Comments
