Davao City – Patay ang usa ka driver sa motorsiklo sa dihang mibangga kini sa truck prime mover nga igo lang nga nag parking sa may Mc Arthur highway, Dacoville Subd., Davao City.
Driver sa motorsiklo giila nga mao si Ramil Olaco, 41 anyos ug residente sa Bago Aplaya ning syudad.
Sumala pa nga kining prime mover nag-parking sa nahisgutang dalan ug ang driver sa prime mover truck nagpahulay sa sulod sa maong sakyanan apan bandang 1:20 kaniadtong Sabado sa kadlawun, nakurat na lamang kining si Ezekiel Sapot Mundo, 30 anyos ug residente sa may Calinan nga dunay nipaka sa likod sa gimanehoan niya nga truck ug didto iyang nakita ang usa ka single nga motorsiklo, color itom nga dunay plate number LD 80251 nga napasok ang driver sa motorsiklo ilawom sa differential sa maong truck.
Patay gilayon ang biktima sa maong aksidente samtang gidala ang driver sa primemover truck sa buhatan sa Talomo PNP aron sa dugang niini nga imbestigasyon.
RadyoMan Paul Canono
