Usa ka vehicular accident ang nahitabo sa may dalang nasyunal Brgy. Timan, Liloy Zamboangadel sur sa may 5:00PM kapin kun kulang niadtong adlawng domingo.
Sa inisyal nga pag imbistiga sa sa PNP Liloy, gilangkuban kini sa Mitsubishi Adventure kolor pula nagtangan sa Plaka numero Nr. 100102nga gimaneho ni Abdulsabol Joe Pandih, 29 anyos, residente sa Gov. Village. Dipolog City ug Honda XRM 125 kolor itom ug adunay puti nga kombinasyon nagtangag sa plaka numero Nr. 4598JK gimaneho ni Anecito Tumimbang Nasara nga taga Padi-anan, Salvador, Lanao del norte.
Dugang pa sa imbistigasyon nga gihemo ni . PO2 Argie M Lihaylihay, ang single motor nagdagan kini gikan sa Brgy. Caracol, lungsod sa Salug padulong sa Zamboanga Sibugay samtang ang Mitsubishi Adventure gikan kini sa dakbayan sa Zamboanga padulong dinhi sa dakbayan sa Dipolog.
Paghidangat niini sa kurbadahon nga bahin ang single motor mi overtake kini sa Rural Transit Bus wala nakabantay angt nagmaneho sa motor nga kusog usab ang pagpadagan sa four wheel vehicle nga kasugat niini, nawad-an ug control ang nagmaneho sa motor hinungdan nga mibangga sa Adventure. Nakaangkon ug daghanang bali ug mga pangos ang drayber sa motor, dali kining gidala sa tambalanan apan sa wala madugay gibawian ra kini sa iyang gininhawa.
Samtang ang drayber sa adventure anaa pa nagpa bugnaw sa rehas sa Liloy MPS samtang gipaabot ang tukmang lakang batok kaniya may kalabot sa maong panghitabo.
