Davao City – Patay ang usa ka 27-anyos nga lalaki nga si Nico Barricar Noche human kini nadisgrasya kagabii bandang alas-6:00 pasado ang takna sa may C.P Garcia Highway ning syudad sa Davao.
Base sa report nga gikan north-bound si Noche sakay sa iyang Yamaha Sniper ug pag abot niini sa may kanto C.P. Garcia ug Catalunan Grande partikularmente sa Holy Sprit Seminary, na head on kini sa usa ka kotse nga gimaneho ni Vicente Hizon Tionko, 72-anyos.
Sa kakusug sa impact nalagpot ang motorsiklo uban ang biktima.
Apan sa pagresponde sa Central Rescue 911 wala nay senyales nga duna pay kinabuhi ang biktima tungod usab sa grabe nga samad sa ulo nga nahiaguman.
Gidala na sa Collado Funeral Parlor ang patay’ng lawas niini samtang gikustodiya si Tionko karon sa Talomo PNP.
RadyoMaN Paul Canono
