Davao City – Patay ang usa ka lalaki human gibanggaan og motorsiklo ang iyang motor nga gimaneho alas-8:30 ang takna sa buntag sa National Highway, Brgy. Poblacion, Pantukan, Compostela Valley Province.
Biktima giila nga si Dante Oniola, hamtong ang edad, residente sa Prk. Dalisay, Rabe Compound, Tagum City, Davao del Norte.
Sumala sa report nga nahipos gikan sa Pantukan Police Station, nasayran nga nagmaneho sa iyang motorsiklo gikan sa lungsod sa Pantukan ang biktima padulong sa syudad sa Tagum apan kalit gibanggan sa kasugat nga motorsiklo kinsa gimaniho sa wala mailhing driver hinungdan nga natumba sa karsada.
Gidali pagdala sa pinakadoul nga balay-tambalanan ang driver apan gideklara nga dead on arrival sa mga mananambal ang biktima samtang ang wala mailhing driver abtik misibat palayo.
Kasamtang gi-imbistegahan sa mga awtoridad ang maong panghitabo.
RadyoMaN Juls Catisay
