Davao City- Lain na usab nga ngilngig nga disgrasya ang nahitabo sa diversion road ning siyudad kagabii.
Nasayran nga nagsungag ang duha ka motor nga gikan sa managlahi nga direksyon pag-abot sa Diversion Road nga nahitabo pasado 10:00 kagabii.
Niini, dead on arrival nahidangat sa Southern Philippines Medical Center ang usa ka driver nga giilang si John Alberto, hingkod ang edad ug nagpuyo sa Bangkerohan ning dakbayan.
Nasayran nga gikan sa South bound area ang biktima ug paingon na pauli na unta apan di malas kay gisugat kini sa laing motor nga gikan sa North bound area.
Maayo pagka-fatal sa biktima hinungdan sa kamatayon niini ug gumikan sa grabeng impact hastang gubaa sa duha ka motor.
Samtang nabalian sa tiil ang driver nga misungag kang Alberto nga giilang si Elen Jorolan kinsa padayon pang gitambalan karon sa SPMC.
Reckless imprudence resulting to homicide ang atubangan unya nga kaso sa maong driver inig gawas niini sa ospital.
RadyoMaN Joel Viray
