Davao City – Dead on arrival sa Southern Philippines Medical Center (SPMC) ang usa ka Dennis Tamay, 38 anyos, residente sa Central Park Subd., Bangkal ning siyudad human nga nabundolan ang iyang 150 Sniper Yamaha single motorcycle og 150 Suzuki Raider sa may Davao-Bukidnon road particular sa Km 12 Catalunan Pequeño ning syudad sa Davao.
Base sa report bandang alas-9:15 ang takna sa gabii susama og direksyon ang duha ka motorsiklo paingon sa may Tugbok gikan sa may Ulas.
Sa pag-abot sa atbang sa usa ka gasoline station sa Catalunan nabundolan sa likod nga bahin ni Genesis Odas, 23 anyos, ang driver sa Suzuki raider 150 ang motor sa biktima.
Sa kakusog matud pa sa pagka bangga nalagpot ang biktima pila ka metros ug naka angkon og grabeng samad.
Gitabang pa sa Central 911 Medic 35 ang biktima apan gideklara kining patay bandang alas-10:00 pasado kagabii ni Doctor Robern Cruzano.
Gikustodiya usab sa Talomo PNP si Odas.
RadyoMaN Paul Canono
