Davao City – Dead on arrival ang usa ka babaye nga driver og usa ka single motorcycle sa dihang nadisgrasya kini sa may Purok 3 Tugbok District Barangay Tugbok Proper ning syudad bandang alas 5 sa kahaponon gahapong adlawa.
Biktima naila nga si Phoebe Castro Corporal, 28 anyos nga taga Purok 5 Rambutan St Tugbok District ning syudad.
Sa rekord sa Tugbok PNP padulong kining biktima sa Ulas tupad ang usa ka multicab nga gimaneho ni Armando Titun Agapay, 45 anyos residente sa Panacan Relocation.
Apan pag abot sa nahisgutang lugar mi-overtake ang motor ug na side sweep kini sa tupad nga behikulo sa walang bahin ug tungod sa kakusog sa impact nalabay ang maong babayi 25 metros ang gilay on.
Gisulayan pa sa pagdala sa Central 911 ang maong babayi ddto sa SPMC apan gideklara kining patay na.
Gi kustodiya na sa Tugbok police ang driver sa samtang gina inbestigahan pa kung mapasakahan og kasong reckless imprudence resulting to homicide ang drayver sa multicab.
RadyoMaN Paul Canono
