Dead on arrival sa The Medical City hospital ang driver kag backrider sang motor nga sanday Francine Rampart Naldoza, legal ang edad kag Julius Gelvoleo, 24 anyos, lunsay residente sang Cabasi, Guimbal Iloilo matapos nakabunggo ang ila gina sakyan nga motor sa isa ka van.
Natabo ang insidente alas 2:49 subong gid lamang nga kaagahon sa Osmeña st., Arevalo, Iloilo City.
Suno sa driver sang Van nga ginkilala sa kay Nelson Delos Reyes, 52 anyos sang Cabaluna st., Leon Iloilo nga halin sila sa Oton kag mapadulong kun tani sa Super apang sang ara na sila sa distrito sang Arevalo, Ila gulpe nasugata ang motor nga madasig ang dalagan nga nag overtake sa isa man ka salakyan sa kurbadahon nga portion sang dalan sa Osmeña kag nag bunggo sa ila gina sakyan nga van.
Bangud sa natabo nanaog ang driver kag nag lakat lakat padulong sa police station kag boluntaryo nga nag sungka.
Suno naman sa imbestigasyon ni PO2 Ardamoy, traffic investigator sang PNP nga madasig ang dalagan sang motor kag wala makabalik dayun matapos mag overtake.
Dugang pa sini nga sa Smallville complex halin ang 2 nga sakay sang motorsiklo.
