Motorboat nalunod, 8 ka-tawo nakasurvive

761

Catbalogan City, SAMAR – Walo ka-tawo an nakasurvive matapos nga malunod an ginsasakyan nga motor boat tungod han makusog nga hangin ngan dagko nga balod kagab-i durot han typhoon Ompong ha Catbalogan City, Samar.

Ha interview han RMN kan PCInsp. Sulpecio Jabagat, tagapagyakan han Samar Police Provincial Office, nagdul-ong an motor boat hin mga teachers tikang ha Buri Island tipakadto ha Catbalogan City Proper.

“Naghatod ini hin mga pasahero ngadto nga mga kamaistrahan, nalunod ini dida han tipabalik na hira.”

Siyam nga teachers an sakay han motor boat, maupay nala ngani nga nadul-ong anay an mga ini san-o mahinabo an insidente.

Mga tripulante han motorboat an nalunod han matiklob an ira sakayan pandagat.

Nakasurvive an mag-asawa nga hira Evelyn ngan Joseph Duran, pati na hira Oliver Bueno, Rexan Duran, Jun Villegas, Jovito Bueno ngan duha nga iba pa.

Basi han report, naguba an motor boat tungod han dagko nga balod ngan nasudlan ini hin tubig-dagat.

Maupay nala nga antis mahinabo an insidente in nakatawag pa hin bulig an mga biktima.

Sumala naman han Philippine Coast Guard (PCG) ha Samar, naka-angkon hin mga samad an mga biktima pero maupay na yana iton ira kabutangan.

Facebook Comments