Dipolog City – Tulo ka tawo ang nabalian dihang gidaro sa naghaguros nga single motor ang motorcab kagahapon pasado alas 4:30 sa hapon sa may national highway barangay Upper Sicayab ning dakbyan sa Dipolog partikular duol sa opisina sa BIR.
Ang drayber sa motorcab nga naila si Firmen Romeo Esrella, 70 anyos minyo nga mulupyo sa maong barangay, nakaangkon bali sa iyang lawas sa dihang gidasmagan sa single motor nga gimanehoan ni Edgar Dasilag 42 anyos, angkas iyang asawa nga si Agustina Dasilag nga taga sa Barangay San Pedro, dakbayan sa Dapitan kinsa polos sab nabalian sa tuong paa.
Sumala pa sa imbestigasyon ni PO1 Rahjick Necesario ang duty traffic investigator sa Dipolog CPS ang motorcab nga gimaneho ni Estrella walay pasahero gikan sa barangay road pagawas na sa may national highway apan sa pagtungtung niini kalsada aksidente kining gidasmagan sa naghaguros nga single motor kolor pula nga gimanehoan ni Dasilag gikan sa dakbayan sa Dapitan hinungdan sa aksidente.
Gumikan sa kakusog nga impak nahayang ang motorcab ug nangalamba sab sa karsada ang mga sakay sa motor.
Sumala pa sa Doktor nga niatiman sa driver sa single motor ubos kini sa impluwensya sa ilimnong makahubog.
Sa kasamtangan ang tulo naadmit pa sa Zamboanga del Norte Medical Center padayon pang giobserbahan ang kahimtang. (-r.m-)
Photo Courtesy: Dipolog PNP
