Roxas City, Capiz- Sa pihak sang maulanon nga tiempo kahapon nga adlaw, nangin madinalag-on ang motorcade angut sa Road Safety Advocacy sa inisyatibo mismo ni Capiz Governor Tony del Rosario pinaagi man sa PDRRMO-Aksyon Tabang.
Ini ang ginpasakupan sang mga TODA officers, mga drivers kag mga representante halin sa iban nga ahensya sang gobyerno kaangay sang PNP, DPWH, DOH, LTO kag iban pa.
Suno pa kay Mr. Speed Pelaez, ang amo nga aktibidad ang ila sabat sa madata na nga road accident nga nagluntad kon sa diin tinutuyo sini nga ma-edukar ang publiko may kaangut sa road safety measures.
Nahibaaluan nga ang nasambit nga Road Safety Advocacy ang may kaangtanan man sa World Remembrance Day for Traffic Victims.
(c) Aksyon Tabang – Capiz PDRRMO
