General Santos City—patay ang usa ka motorcycle rider human nga mabanga ang gimanihuang motorsiklo niini sa usa ka ten wheeler truck sa National Highway Duol sa usa ka gasolinahan sa Barangay Lagao, alas 12:35 ang takna sa kaadlawon kagahapong adlawa.
Giila sa Traffic Management Unit ang biktima nga si Joel Dayatan, 46, ug nanimuyo sa P.I 16, Barangay City Heights ning syudad, samtang ang suspect giilang si Abrahim Tahil, 29, residenti sa Barangay Tinoto, Maasim, Sarangani.
Sumala pa ni PO2 Lemuel Aves, imbistigador sa TMU nga nagdagan sa highway ang ten wheeler truck padulong sa sentrong bahin sa syudad sa dihang kalit lang ni labang ang motor nga gimanihuan sa biktima ug mibanga sa kilid nga bahin sa truck hinungdan nga natumba kini ug nabunal ang ulo nga maoy hinungdan sa iyahang kamatayon.
Sa karon nagpadayon ang imbistigasyon sa kapulisan kabahin na sa maong insidente samtang ginaprepara na sa TMU ang kaso batok sa suspect ug galing mupasang-at ug reklamo ang pamilya sa biktima. (Dave Silagan)
