Jose Dalman, ZDN-Bun-og ug pangos sa lawas ang naangkon sa motorista human kini naaksidente didto sa may Brgy. Pob. Jose Dalman.
Na danyos sab ang gimanehong Kawasaki Baja ni Danilo Recososa, residente sa mao nga lugar.
Kini si Danilo nagbyahe kini gikan sa Brgy. Siparok padulong sa Brgy. Pob., ug pahidangat niini sa lugar nahitaboan aksidente kining nabangga sa early warning device/ Barriers nga iya sa DPWH.
Nawad-an ug control ang driver ug mibalitok ang motor nga gisakyan.
Matod pa sa nakasaksi, ang barrier nga gibutang sa DPWH, gibalhin kini sa tunga sa dalan sa mga stambay nga kung diin, gigamhan kini sa ilimnong makahubog.
Naila ang tulo ka responsible nga sila si Dennis Moncado; Junrix Bugahod; ug si Bienvenido Acaylar.
Sa karon paslak na sa bilangguan ang tulo ka mga indibidwal samtang ang biktima padayon pang nagpaalim sa iyang mga pangos ug bun-og sa lawas
